Antalyada istirahət planlayan bir çox insan otel seçimi zamanı tərəddüd yaşayır. Sosial şəbəkələrdə yayılan ziddiyyətli məlumatlar isə doğru bölgəni tapmağı çətinləşdirir.

“Terra Travel” turizm şirkəti müştərilərdən gələn sorğuların çoxluğunu nəzərə alaraq Antalyanın turistik bölgələrinin hansının sizin istək və ehtiyaclarıniza uyğun olduğunu müəyyən etdi. Eyni zamanda bütün suallarınıza tur operatorlarına müraciət etmədən cavab tapa bilməyiniz üçün ən çox soruşulan sualları bir arada toplayıb hər birinin cavabını məqalədə sizinlə bölüşdük.

Burada 5 ulduz və lüks otellərin say çoxluğu, dəniz sahilinə sıfır məsafədə olanlar, Booking.com və Tripadvisor kimi saytlarda reytinq cədvəlinə əsasən yüksək xal alanlar, uşaqlı ailələrə uyğun aquaparklı otellərin say çoxluğu, alış-veriş mərkəzləri çox olan, hava limanına ən yaxın, dənizinin təmizliyi və ağ qumlu sahili ilə fərqlənənləri müqayisə etdik. Seçimi yalnız öz gözləntilərinizə uyğun edə bilərsiniz.

1) Ən çox 5 ulduz və lüks otellərə sahib bölgələr

Region (turistik bölgə)	5★ Otel sayı
Side – 5* otel sayı çoxluğu və ailəvi istirahət üçün geniş seçim	89
Belek – ultra-lüks, golf və spa konsepti ilə fərqlənən bölgə	64
Kemer – sakitlik axtaranlar üçün dağ mənzərəli və boutique otellər	41
Alanya – daha az, lakin seçilmiş 5★ otel təklifləri	29
Lara–Kundu – şəhərə yaxınlıq və tematik otel üstünlükləri	27

Önəmli qeydlər: Belek və Side-də golf və spa istiqamətləri ilə ultra‑lüks səviyyə; Lara–Kundu öz temalı otelləri ilə seçilir.
Son olaraq bunu qeyd edə bilərik ki, ən çox 5★ otel sayı Side bölgəsində, ardınca isə Belekdədir. Amma ən yüksək reytinq Kemerdədir. Lüks axtaranlar üçün Belek və Lara–Kundu ideal seçimdir.

2) Ən çox dənizə sıfır 5 ulduz otelləri olan bölgələr

Region (turistik bölgə) Sahilə sıfır olan otel sayı Side – geniş və ağ qumlu sahil zolağı 40+ Belek – sahilə paralel yerləşən lüks resortlar 35+ Kemer – dağ və dənizin birləşdiyi mənzərə 30+ Alanya – Cleopatra sahilində yerləşən seçilmiş komplekslər 20+ Lara–Kundu – şəhər mərkəzi ilə inteqrasiya olunmuş sahil otelləri 25+

Önəmli qeydlər: Side və Belek sahilə sıfır otel sayında lider, Kemer bölgəsi isə dağlarla birləşən sahil mənzərəsi ilə fərqlənir.

3) 5 ulduz otelləri yüksək reytinq alan bölgələr

Region (turistik bölgə)	Reytinqlər
Kemer – Booking və Tripadvisor reytinqlərində lider	9.0–9.4
Belek – dünya səviyyəli otellərlə stabil yüksək xal	8.8–9.4
Side – ailə yönümlü otellərdə balanslı reytinqlər	8.5–9.3
Lara – möhkəm reputasiyalı premium otellər	8.7–9.2
Alanya – münasib qiymət və orta-yüksək dəyərləndirmə	8.5–9.0

Son olaraq ümumi reytinqdə lider Kemer bölgəsi, davamında isə Belek və Lara gəlir.

Önəmli qeyd: Reytinq cədvəli müştərilərin Tripadvisor və Booking kimi saytlarda verdiyi rəylər və dəyərləndirmə şkalasından formalaşır. Yəni rəqəmlər müştəri təcrübəsini göstərir.

4) Uşaqlı ailələrə uyğun aquaparklı bölgələr

Region (turistik bölgə)	Aquaparklı otel sayı
Belek – Land of Legends kimi məşhur ailəvi komplekslər	40+
Lara – Titanic, Limak və Delphin kimi tematik otellərdə uşaq əyləncə zonaları	20+
Kemer – təbiət içində yerləşən Kids Concept otellər	15-20
Side – ailə konseptli, sakit və təhlükəsiz otellər	30+
Alanya – sadə və münasib qiymətli seçimlər	10-15

Son olaraq Belek bölgəsi uşaqlı ailələr üçün ən çox aquaparklı otel seçimi ilə liderdir. Ardınca Side kateqoriyada fərqlənir. Lara-dakı tematik komplekslər də diqqət çəkir.

5) Alış‑veriş mərkəzləri çox olan bölgələr

Region (turistik bölgə)	AVM sayı (Alış-veriş mərkəzi)
Lara (şəhər mərkəzi) – AVM-lərlə zəngin ən uyğun seçim	10+
Belek – həm AVM, həm əyləncə parkı ilə fərqlənir	3–5
Alanya – orta səviyyəli alış-veriş imkanları	3–4
Side – limitli AVM, yerli butiklər üstünlük təşkil edir	2–3
Kemer – əsasən bazar tipli alış-veriş yerləri mövcuddur	1–2

Son olaraq, Antalya şəhər mərkəzi (Lara) ən zəngin alış-veriş seçimi ilə ön plandadır. Alış-veriş etməyə üstünlük verənlər üçün birinci seçim Lara otelleri olmalıdır.

6) Hava limanına ən yaxın bölgələr

Region (turistik bölgə)	Məsafə və zaman aralığı
Lara – hava limanından 15 dəqiqəlik məsafədə yerləşən otellər	10–15 km / 15 dəq
Antalya şəhər mərkəzi – rahat transfer və tarixi otellər	12–13 km / 20 dəq
Belek – orta məsafəli, ailə konseptli resortlar	30–35 km / 40 dəq
Kemer – uzaq məsafə, lakin dağ mənzərəsi üstünlüyü	55–60 km / 1 saat+
Alanya – 2 saatlıq yol və alternativ hava limanı	115+ km / 2 saat+

Önəmli qeyd: Side bölgəsi Antalya Beynəlxalq Hava Lİmanından təxminən 65–70 km uzaqlıqdadır. Bu məsafə təxminən 1 saat avtomobil yolu deməkdir.
Son olaraq Lara hava limanına ən yaxın bölgədir, burada tez bir rezervasiya təklifi əldə etmək mümkündür. Hava limanı üçün Lara bölgəsi mükəmməl seçim, sonra isə Antalya şəhəri və Belekdir.

7) Dənizi ən təmiz olan bölgələr

Region (turistik bölgə)	Mavi Bayraqlı çimərlik sayı
Kemer – mavi bayraqlı çimərliklərin lideri	10+
Side – yüksək təmizlik səviyyəsi və ağ qumlu çimərlik	8+
Belek – təmiz dəniz və sahil zolağı balansı	6+
Lara – yaxşı səviyyədə dəniz suyu şəffaflığı	5+
Alanya – orta-yüksək keyfiyyət, əsasən Cleopatra çimərliyi ilə fərqlənir	4+ (Cleopatra)

Önəmli qeyd: Beynəlxalq Mavi Bayraq sertifikatı – təmizlik göstəricisidir.
Son olaraq təmiz dəniz zəminində liderlər Kemer və Side bölgələridir.

8) Ağ qumlu sahili olan bölgələr

Region (turistik bölgə)	Ağ qum sahili
Side – düz və təhlükəsiz sahillərlə ailələr üçün ideal	Bəli
Belek – geniş və lüks çimərlik sahələri	Bəli
Lara – tematik otellərin sahilə uyğun tərtibatı	Qismən
Alanya – UNESCO tərəfindən qorunan Cleopatra sahili	Cleopatra sahili
Kemer – çınqıllı və qayalı sahil (dağ mənzərəli təbiət)	Yoxdur

Önəmli qeyd: Cleopatra Beach ən ağ və zərif qumlu sahil hesab edilir. Son olaraq ağ qumlu dəniz sahilləri Side, Belek və Alanyadadır (Cleopatra).

Seçim edərkən hansı bölgənin otellərinə üstünlük verməliyik ?

Antalyanın hər bir bölgəsi öz unikal otelləri ilə seçilir. Side bölgəsi 5★ otellərin sayı və ağ qum baxımından liderliyini davam etdirir. Belek aqupark və qolf konseptində ideal seçimdir.
Kemer yüksək reytinq, dağ mənzərəsi və dəniz-sağlamlıq keyfiyyəti ilə ön plandadır. Lara–Kundu, hava limanına yaxınlığı və tematik otelləri ilə bəhsə dəyərdir. Alanya bölgəsi isə münasib qiymət, Cleopatra sahili və tarixi atmosferi ilə fərqlənir.

Siz büdcənizə, istək və gözləntilərinizə uyğun otel seçimi etmək üçün Terra Travel’-a müraciət edin, sizə uyğun tətil planı hazırlayaq!